التزوير علي عينك يا تاجر

أخي المواطن لك مطلق الحريه في التصويت
إما أن تصوت بنعم أو تصوت بنعم
الحريه مكفوله لكل المواطنين
حياتك بين ايدك اوعي تفرط فيها
خلي بالك انت عندك عيال لو عايز تربيهم صوت بنعم
لو عايز تيتمهم صوت بلا
الحريه مطلقه
انتهي البيان
الحزب الوطني ال ......؟؟؟
كمل زي ما إنتي عايز

مهاترات عن حياتي

15/3/1983
 تاريخ بالنسبالي ممكن يكون مهم علشان باختصار ده تاريخ ملادي
اليوم ده طبعا أمي جبتني للحياة وعندها أمل يكون ده أحسن ولد في الدنيا(همه قلولي كده)
ما علينا عدت سنين الطفولة الي مش فاكر منها أي حاجه وبعدين جات سنين الابتدائي ويعيني علي الابتدائي
كنت في مدرسه ملحقه المعلمين وكانت باختصار من أسوأ أيام حياتي أنا فاكر مدرسه عربي كرهتني بجد
في اللغة العربية مش مهم
جات بعد كده سنين الإعدادي وكنت في مدرسه طه حسين وال ميعرفهاش ديه مدرسه محترمه جدا جدا جدا
أي حد يخشها لازم يطلع منها مؤدب هههههههههههههههههه
في سنه تانيه إعدادي طلعت الطالب المثالي علي المدرسة والسبب الوحيد إن عمي كان في المدرسة!!!
وبعد كده دخلت الثانوي( أن أن أن) وكانت مدرسه العسكرية ويعيني علي العسكرية الأدب والأخلاق
والقيم والتربية باختصار( دار الأرقم بن أبي الأرقم) وعلشان كده اتحولت منازل في سنه تالته
ومر الثانوي وجبت مجموع كبيييييييير 97.2% ودخلت كليه طب الاسكندريه وبأمانه والله كانت
أسوأ سنين عمري
كان فيها شويه دكاترة يكرهوك في التعليم والعيشة والي عيشنها بس في سنه تالته كانت مرحله مهمه في حياتي
بطلت فيها سجاير بعد 4 سنين شرب والتزمت شويه
وجات السنه السادسه واتبهدلت بجد بحق ربنا لحد مااتخرجت بمجموع تراكمي 74.97% والله ده مجموعي
يعني(جيد) شوفوا كليه طب اسكندريه نفخ أزاي علشان لما أقول إن انا اتبهدلت تبقي تصدقوني
1/3/2007
ابتدأ الامتياز وبس خلاص

نام يا حماده نام

نام يا حماده نام
نام وادبحلك جوزين حمام
نام يا مزور نام
نام يا ح+م+ا+ر نام
كفايه عليك كده

ديه لا باظت ولا خربت!!!!!؟

مفيش حاجه

بعد بحبك يا حمار
اليكم مفيش حاجه

بحبك يا حمار مصر

 
بحبك يا حمار شعر جامد
بس هو مين الحمار؟؟؟؟؟
مليش دعوه
خليني ماشي جنب الحيط
وسلام

عذرا (حسني) كفايه كده

مبارك يمنح وسام الاستحقاق للفريق أول جون أبي زيد
منح الرئيس حسني مبارك رئيس الجمهورية القائد الأعلى للقوات المسلحة
وسام الاستحقاق من الطبقة الأولي للفريق أول جون أبي زيد
قائد القيادة المركزية الأمريكية تقديرا لمجهوداته في دفع علاقات التعاون العسكري المصري الأمريكي
بمناسبة إحالته للتقاعد وذلك أثناء زيارته لمصر أمس .
وقد أناب الرئيس المشير حسين طنطاوي القائد العام للقوات المسلحة وزير الدفاع والإنتاج الحربي في تقليده الوسام.
الجمهورية الاثنين 19/2/2007
طيب ايه المشكله اقولك...
إن جون أبى زيد هذا هو قائد القوات الأمريكية الذى اشتهر بحربه على العراق وما حدث فيها من جرائم وقتل وإبادة وتدمير
، فبدلاً من معاملته كمجرم حرب يكافئ بهذه الأوسمة والنياشين ؟!!!!
حسبنا الله ونعم الوكيل

هل تحتاج حكومه الدكتور نظيف للغسيل؟

 بسم الله الرحمن الرحيم
هل الدكتور نظيف.. نضيف؟؟؟؟ أم يحتاج للغسيل
هل الحكومه الرشيده التي يرأسها تستحق الغسيل ايضا؟؟؟
انا حتكلم عن بعض الأنجازات الرهيبه لنظيف وأترك لكم الاجابه
*إصابة 107 مواطن ووفاة إحدى الحالات نتيجة تلوث مياه الشرب بمحافظة الدقهلية
*وفاة نحو 20 شخصًا وإصابة 6 آخرين لعدم التأمين على أسطوانات الغاز في الفتره القصيره الماضيه
*سفاح المعادي الذي بثَّ الرعب في كلِّ أرجاء الوطن وليس في القاهرة وحدها وفشل الحكومه في التعامل مع الكارثه
*قيام حكومة الحزب الوطني ببيع أسهم شركة ( اي ام جي) المصرية لتصدير الغاز الطبيعي إلى شركة  (امبل) الصهيونية، وذلك بعد إعادة تقييم الشركة بما يساوي 1.5 مليار دولار، في حين أن قيمتها الحقيقية أكثر من 7 مليارات دولار
*حكم المحكمة الفرنسية الذي أدَّى إلى الحجز على أموال الحكومة المصرية في فرنسا، والذي بلغ 600 مليون دولار نتيجة صراع مع شركة رأس مالها 2 جنيه إسترليني (كما نشرت الصحف!!؟
* الاعتداء الأمني الهمجي على اللاجئين السودانيين ادي الي 30 قتيلاً معظمهم من الأطفال والنساء
*عبَّارة السلام في مطلع فبراير، والتي كان عدد ضحاياها أكثر من ضحايا الحرب اللبنانية الأخيرة، فقد غرق ما يزيد عن 1000 من 1400
* كارثة أنفلونزا الطيور التي راح ضحيتها9 أبرياء على الأقل، بجانب التدمير الواضح للثروة الداجنة
*قطار قليوب في 21\8\2006 الذي راح ضحيته 58 مصريًّا وأصيب قرابة 170 آخرين ما يزيد عن عدد شهداء مجزرة قانا الأخيرة!!
*حوارٍ مع جريدة (المصري اليوم) نُشَر اليوم الأربعاء 31 مايو- أن هناك خططًا لدى النظام السياسي المصري للحدِّ من قدرة الإخوان المسلمين على تحقيق انتصاراتٍ برلمانيةٍ كبيرةٍ في المستقبل.ايوه هي ديه الديمقراطيه
*الإسلاميون الذين يقولون إنهم ينتمون إلى منظمة (غير مشروعة) تمكَّنوا من دخول البرلمان والتصرف بطريقة تجعلهم يبدون كحزب سياسي، نحتاج إلى التفكير بوضوح بشأن كيف نمنع حدوث هذا".(رويترز)
*إن الشعب المصري غير ناضج سياسيًّا، وإن عليه أن ينضج قبل إقامة نظام ديمقراطي كامل مثل ذلك الموجود في الولايات المتحدة"، واستمر في إهانته للمصريين قائلاً: "إن طريق مصر نحو الديمقراطية مرتبطٌ بإدارة الرئيس الأمريكي جورج بوش الابن"!!(واشنطن تايمز)
*أدلى في فبراير الماضي بحديث إلى مجلة الـ(نيوزويك) الأمريكية معترفًا بأن المعارضة- وعلى رأسها الإخوان المسلمون- كانت تستحق الـ40% من عضوية مجلس الشعب، ثم عاد وصَوَّب ما قال، فأضاف أنه كان يقصد أنه "لولا إجراءات الدولة" لحصل الإخوان المسلمون على 40 مقعدًا إضافيًّا في انتخابات مجلس الشعب، أي أن رئيس الوزراء يعترف بالتزوير!!عجبي
*وصول الاقتصاد المصري إلى حد خطير (ما بين 60% إلى 70% نسبة فقر، و20% متوسط البطالة وتسعة ملايين عانس بسبب ذلك) مع نهب خيرات وثروات البلاد تحت شعارات التكيف الهيكلي والخصخصة.
*مد العمل بقانون الطوارئ

ايه كفايه كده ولا يا .........نضيف
انا بقول  كفايه كده تجريح  كفايه كده كفايه