وثيقة القيود الفضائية

الحزن خاص وعام

علي صاحبة العزة والمقام

من اليمين لحد الشام

علي شفيقة الوطنية ذات الإمكانات الفنية

في عصر الوثيقة الفضائية لجهابزة القيود الإعلامية

أصيبت بحالة عصبية توهة وانفصام شخصية

بتدور علي الحقيقة من سنين وأيام

مش لقياها حتي في الأحلام.

بتقوم مفزوعة من عز المنام

تعيط شوية في هدوء تام

تحرك شفايفها وتعظيم سلام

جلوس قيام وكله تمام

تشاور وترجع تنام

نسيت حروف الكلام

في عصر قيود الإعلام

اللي علي البر عوام

أيمن مصطفي حسين
المصري اليوم