ماشي الأحد العصر امام مركز الشرطه
الي هوه امام مقر الحزب الوطني الديمو؟؟؟؟
ولقيت كميه اتوبيسات وميكروباصات واقفه
قلت مش مهم اكيد لخدمه المواطنين
والنهارده وانا راكب الاتوبيس الصبح اسمع السواق
وهو بيحكي عن صحابه الي اتخدت بطايقهم وراحوا المراكز
علشان برده يخدموا المواطنين؟؟؟؟؟
قلت الحكومه ديه بنت حلال عايزه المواطنين يوصلوا علي كفوف الراحه
علشان يصوتو ا
وبعد كده قالولي صحابي ان المندوبين اطردوا
قلت اكيد كانوا وحشين وبيعرقلوا العمليه الانتخابيه
والساعه 2 الضهر قلت اروح بقي اصوت
روحت اللجنه ملقتش حد خالص من الناس
ودخلت بدور علي اللجنه ودخلت بعد كده
لقيت الصندوق مليان قلت خير الشعب بقي اجابي
اينعم الناس الي جوه كان شكلهم خنازيــــــــــــــــــــــــر
بس مش مهم
اديت للراجل البطاقه الحمراء وبدأ يدور علي الاسم
وبعد كده ادالي الاستماره وقلي خش صوت
قلتله المفروض امضي اني جيت
قلي مش مهم يا أستاذ
شكله مكنش عاطفي
اصريت والناس اتلمت الي شكلها زي الخنازيــــــــــــــــــــــر
بس انا اصريت وطلعلي الورق ولقيت اسمي ممضي اني جيت وصوت
ياسبحان الله انا جيت قبل كده صوت ومختش بالي
الحمد لله إني فقت قبل ما أظلم الحكومه
قال ايه الناس بتقول إن الانتخابات اتزورت
طبعا؟؟؟؟؟؟؟
الراجل الي جاعد علي الصندوق كان شكله سروال داخلي (كلوت يعني
المهم ان الانتخابات كانت نزيـــــــــــــــــــــــــهه
ومصر بخير
ياريت نسمع اغنيه نانسي عجرم
لو سألتك انت مصري
سلام
ليست هناك تعليقات:
إرسال تعليق