مشهد من حياتي

كنت جالس انا واصدقائي القدامي(الأنتيم) علي  كافتريا كوستا في سانستيفانو بالاسكندريه
شتاء  2007
وكنا بنلعب  لعبه الصراحه  الي يتسأل كان لازم يجاوب
وسألني صديقي أحمد انت بتحب تنزل معانا زي الأول بعد......؟؟؟
قلتله.... السؤال ده كنت مستنيه من زمان.
انا عرفت صحابي الانتيم من زمــــــــــــــــان ..... (أحمد) من الابتدائي
(اسامه)من اولي اعدادي و(بلال) من الثانوي و(الشباسي)من الكليه
(طاهر)في الثانوي (شعيب) في الكليه
و(محمد) ربنا  يرحمه عرفته في الأعدادي وانفصلنا في نهايه الكليه ومات بالوكيميا بعدها
 كل واحد فينا كان ليه افكاره ودماغه بس كلنا اجتمعنا علي التفاهه
كلنا كانت دمغنا ضربه من الأخر
بنحب الهزار و قعدت القهوه والفسحه ولعب الكوره الي مكنتش كوره!!
نسهر لحد الصبح ومفيش اي مشكله
بس الحمد لله كان دايما عندنا حد فاصل مع شويه حاجات زي الزنا والخمره وربنا ستر؟؟؟
مع الوقت كان بيخش ناس في الشلاه وناس بتتطلع بس احنا سبتنا لحد دلوقتي
مع الوقت كل واحد ابتدت دماغه توديه في حته معينه
اسامه لسه في الكليه ربنا ينجحه الكليه خدت موقف معاه أو هو خد موقف منها الله اعلم

المهم انه دايما بقي عنده إحساس بالضياع(ده كلامه

أحمد خلص واشتغل في شركه مالتي ناشونال والمفروض كان يبقي سعيد بس برده
لاااااااااااااااااااااااا ومش حقول السبب
بلال اكتر واحد فينا كان بيقرا ز قرأ كتيــــــــــــــــــــــــــــر في كل حاجه
لحد بقي عنده مشاكل كتيــــــــــر
طاهر ربنا يكرمه دخل 6 اكتوبر ومش عارف يخلص لسه في سنه 2 ومعتقدش إنه حيخلص
اما العبد لله فانضميت الي الأخوان المسلمين من سنتين وكانت صدمه لصحباي
احمد مبيحبهمش علشان معاه زكريات وحشه منهم
بلال بينظرلهم انهم جماعه راديكاليه اصوليه فاشله
اسامه مش فارقه معاه
طاهر تقريبا ميعرفش ههههههههههو
من الأول تاني
أحمد لما سألني انت بتحب تنزل معانا زي الاول بعد انضمامك الي الاخوان المسلمين
قلتله لا طبعا علشان لو حتظبطوا اعدتكم وتبقي مفيهاش سب ولا شتم
حبقي مرتاح وده مبيحصلش
بس انا لازم اقعد معاكم علشان انتم اصحابي
The End

انا عارف انا قلت كلام كتيـــــــــر مايلزمش حد
ومعظمه شخصي وعبيط
بس انا كنت عايز اتكلم
علشان حاجه في نفس يعقوب